by : İbrahim Məmmədli Kitab oxuyaq

“Dünyanı dəyişdirən şirkət” Nick Robins

Kitab tarixi iqtisadi baxımdan çox dəyərlidir. O cümlədən 400 illik şirkətin Cənubi Asiyada necə bir siyasət güddüyünü ətraflı formada ələ alır.

Robins, müasir şirkətlərin də oxşar şəkildə hesabat vermə qabiliyyətini təmin etmək üçün zəruri tənzimləmələrə ehtiyac duyduğunu müdafiə edir. Kitab, həmçinin Adam Smith, Karl Marx və digər şəxslərin bu cür ticarət fəaliyyətlərini necə şərh etdiklərini və şirkətlərin məsuliyyətləri barədə necə fikirlər ortaya qoyduqlarını da müzakirə edir. Ümumilikdə, “Dünyanı Dəyişdirən Şirkət” keçmişdən bu günə qədər böyük şirkətlərin cəmiyyət üzərindəki təsirlərini anlamaq istəyən oxucular üçün dərin bir baxış təqdim edir.

Nick Robins’in “Dünyanı Dəyişdirən Şirkət” kitabında East India Company’nin müasir kapitalizmin inkişafındakı rolu, Bengal’in müstəmləkələşdirilməsi, Hind tekstil sənayesinin çökdürülməsi və afyon ticarəti vasitəsilə Çində asılılıq yaratma kimi mövzular mükəmməl formada incələnir. Başlıqların detalları: Continue reading ““Dünyanı dəyişdirən şirkət” Nick Robins”

by : İbrahim Məmmədli Kitab oxuyaq

Babil Yanarkən

Mədəniyyətin beşiyi olan Mesopotomiya tarix boyunca böyük imperiyalara ev sahibliyi edib. O cümlədən üç böyük səmavi dinin mərkəzi də buradır. Kitabı oxuyarkən yazar, zaman zaman bu qədimliyə diqqət çəkir.

Səddam Hüseyn hakimiyyətinin dağılmasına aparan prosesləri bəzən həftəbəhəftə, bəzənsə, günbəgün kitaba işləməsi həmin dövrü anlamaq baxımından çox önəmlidir. Continue reading “Babil Yanarkən”

by : İbrahim Məmmədli Kitab oxuyaq

Şahın bütün adamları

Stephen Kinzerin bu əsəri İranın XX əsrinə işıq tutur. Kitab axıcı olmağı ilə bərabər çox informativdir. Kitabı vərəqlədikcə müasir İran gözlər önündən keçir: içə qapanıq, sanksiyalar altında əzilən xalq və s.

Müsəddiq: Bəlkə də bu adı heç eşitməmisiz. Halbuki XX əsr İranını onsuz təsəvvür etmək mümkünsüzdür.

Məsələn, 1951-ci ildə İlin adamı seçilməsini:

Müsəddiq 1951-ci il boyu dünya səhnəsindən düşməmiş və həlledici bir rol oynamışdı. Yaxşı və ya pis fikirləri ilə tarixi yenidən yazırdı. “Time” jurnalının Harri Trumen, Duayt Eyzenhauer vəya Uinston Çörçill varkən onu “İlin adamı” seçməsi heç kimi təəccübləndirmədi

“Ayaks” əməliyyatı və onun uzun müddət davam edən nəticələri, o cümlədən prosesin hazırlanması, həyata keçirilməsi çox gözəl izah edilir

Bugünkü İran siyasi tarixi haqqında maraqlananlar üçün mütləq oxunması lazım kitabdır.

 

by : İbrahim Məmmədli Kitab oxuyaq

“Why Nations Fail” Daron Acemoğlu

Daron Acemoğlu və James Robinson-un birlikdə yazdığı “Why Nations Fail” (Xalqların Düşüşü*) kitabı sisyasi elmlər, instusional nəzəriyyəçilər və iqtisatçılar üçün çox maraqlıdır. Avrasyadan tutmuş Amerikaya, Afrikadan tutmuş Avstraliyaya qədər böyük coğrafiyada yerləşən istər balaca, istərsə də, böyük millətlərin keçdiyi tarixi dolğun izah edərək günümüzdəki mövcud inkişaf şəraiti ilə müqayisə aparır.

Keçmiş imperiyaların sənaye inqilablarından sonra geriləməyə başlamasını və necə oldu ki, “Qara ölüm” (vəba xəstəliyi) bir xəstəlikdən çıxıb İngiltərə üçün sonradan “şəfa” gətirdi.

Kitabda bir çox suala cavab tapmaq mümkündür.  Bir neçə teoremləri çürütməsi də əsərə başqa bir möhtəşəmlik qatır.

Bizim üçün maraqlı ola biləcək başqa bir tərəfi isə bir zamanlar müstəmləkəsi olduğumuz Çar və Sovet dövrlərinə aid geniş analizlərin yer almasıdır.

*şərti adı

19. 532 Comments
by : İbrahim Məmmədli Kitab oxuyaq

“Avtostopçunun Qalaktika Rəhbəri” Douglas Adams

Uzaqda, qalaktikanın qarşı sarmal qolunda, Günəşdən beş yüz min işıq ili uzaqda, Zaphod Beeblebrox, Qalaktika Hökumətinin sədri, Damogran günəşi altında parıldayan ion motorlu delta gəmisiylə Damogran dənizləri üzərində irəliləyirdi. Cəzbedici Damogran; Vəhşi Damogran; və heç bilinməyən Damoqran deyildi.
Damogran – “Qızıl Ürəyin” gizli yuvası. Qayıq su üzərində sürüşmədə davam edirdi. Hədəfinə çatması bir az zaman alacaqdı, çünki Damogran son dərəcə əlverişsiz quruluşa sahib bir planet idi. Okeana bölünmüş böyük bir adadan daha pis bir şey yox idi.
Qayıq sürətlə gedirdi. Quru topoqrafik quruluşu səbəbindən boş planet olaraq qalmışdı. Buna görə də Kral Qalaktikası hökuməti buranı “Qızıl Ürək” layihəsi üçün seçmişdi, çünki bura o qədər kimsəsiz və bir o qədər də gizlin idi ki. Gəmi dənizdə, bütün planetdə mövcud olan tək adalar birliyinin ana adaları arasındakı dənizdə sürüşməyi davam etdirirdi. Zaphod Beeblebrox, Pasxa Adasındakı (Galaktikçədə kiçik düz və açıq qəhvəyi mənasını verir) kiçik kosmos bazasından, başqa ad bənzərliyi olan Fransa deyilən, “Qızıl Ürək” adasına doğru yola çıxmışdı.

 

Douglas Adamsın 1979-cu ildə fantastik janrda qələmə aldığı “Avtostopçunun qalaktika rəhbəri”  kitabı hələ də günümüzün “texnoloji inqilablarında” ilham mənbəyi olaraq qalır.
Kitab, Artur Dent adlı bir ingilisin kosmosda daha qısa yol tapılması üçün dünyanın partladılmasından əvvəl Ford Prefect adındakı yadplanetli ilə Voqon inşaat gəmisində avtostop edərək dünyadan qaçmağı bacarırlar. Ancaq voqonlar tərəfindən müəyyən edilən ikili gəmidən xaric edilirlər.

“Mütləq Cavab”-ı axtararkən qarşılaşdıqları macəralar əsəri daha da maraqlı edir.

Qeyd: Fevralın əvvəllərində dünyanın ən güclü raketi olan və Teslanı daşıyan Falcon Heavydəki  “Don`t Panic” sitatı da bu kitabdan götürülmüşdür. 

15. 828 Comments
by : İbrahim Məmmədli Kitab oxuyaq

“Edam Məhkumunun Son Günü” Victor HUQO

Bəli, gəlin baxaq. Ölüm qarşısında cəsur olaq. Bu qorxunc fikri əllərimizin arasına alaraq, ona daha diqqətli göz ataq. Ondan özünə aid açıqlama istəyək. Bizdən nə istəyəcək olduğunu öyrənək. Onu bütün detallarıyla incələyək. Sirlərini açaq və məzarımıza öncədən baxaq.

XIX əsrin görkəmli yazıçısı Victor Huqo, bu əsərdə bir edam məhkumunun yaşadığı son günlərdə fikrindən keçənləri ələ alır.

Bu pioner roman, günahkar dediyimiz insana uzaqdan baxmaq əvəzinə, onun həyatına girməyinə və onun da insan olduğunun fərqinə varmağımızı hiss etdirir.

 

19. 580 Comments
by : İbrahim Məmmədli Kitab oxuyaq

“Başlanğıc” Dan Brown

Mavi Yer kürəsini arxasına alan Edmon kosmosun qaranlığında süzülürdü. “Haradan gəlirik?” deyə soruşdu. “Həqiqət budur ki, heç bir yerdən gəlmirik..amma hər yerdən gəlirik. Kainatdakı həyatı yaradan eyni fizik qanunlarının məhsuluyuq. Xüsusi deyilik. Tanrı olsa da, olmasa da varıq. Entropinin inkar edilməz nəticəsiyik. Həyat kainatın əsası deyil. Həyat, kainatın yaratdığı və enerjisini dağıtmaq üçün hazırladığı bir şeydir.”

Edmond, “Dostlarım,” dedi. “Əgər sizə göstərdiklərimi izlədinizsə, əhəmiyyətini anladınız. Hələ də şübhəniz varsa, məni izləməyə davam edin, çünki bu görüşün başqa bir kəşfə meydan verdiyini görəcəksiniz. Çox daha önəmli bir kəşfə..”

Qısa səssizlikdən sonra

“Haradan gəldiyimiz .. haraya getdiyimizin heyrəti ilə belə yarışa bilməz.”

“DaVinçi Şifrəsi” başda olmaqla, bir çox məşhur əsərin müəllifi Dan Braun sonuncu əsəri də möhtəşəmliyinə görə digərlərindən heç də geri qalmır.

Hadisələr İspaniyada cərəyan edir. Elm adamı Edmond Kirş bütün dini inancları kökündən dəyişəcək kəşfi bütün dünyaya elan etmək üçün yüzdən çox tanınmış şəxsi bir muzeyə yığır. Eyni zamanda paralel olaraq çıxış bütün dünyada yayımlanır. Konfransın mövzusu isə “Hardan gəlirik?” və “Hara gedirik?” Edmond bu suallara cavab verdiyi zaman öldürülür.

Bütün əsərlərinin baş qəhrəmanı olan Professor Robert Langdon həm tələbəsi, həm də yaxın dostunun kim tərəfindən öldürüldüyü və kəşfinin nə olduğunu bütün dünyaya çatdırmaq üçün hərəkətə başlayır. O, yaxın zamanda taxta çıxacaq kralın nişanlısı ilə müvəffəq olur, dostunun yarım qoyduğu işi tamamlayırlar.

Əsərdən başqa spoiler verməmək üçün bu qədər kifayət edər 😉

 

 Xoş Mütaliələr 🙂

 

12. 254 Comments